تاثیر 14 اکتوبر ۲۰۲۴:- ایس -ایم- حسن
ممبئی،14 اکتوبر:نیشنلسٹ کانگریس پارٹی کے رہنما بابا صدیقی کے بالی ووڈ کی کئی مشہور شخصیات سے قریبی تعلقات تھے۔ دسہرہ کے دن گولی لگنے کی خبر ملتے ہی بالی ووڈ کی کئی مشہور شخصیات اسپتال پہنچ گئیں۔ ان کے جنازے میں مشہور شخصیات نے بھی شرکت کی۔ بالی ووڈ اداکارہ اروشی روتیلا بھی بابا صدیقی کے آخری درشن کے لیے پہنچیں۔ اس دوران اروشی کافی میک اپ کے ساتھ پہنچی تھیں۔ ان کا ایک ویڈیو منظر عام پر آنے کے بعد نیٹیزنز نے اروشی کو ٹرول کیا۔ اروشی کا یہ ویڈیو انسٹاگرام پیج پر شیئر کیا گیا ہے۔ اس ویڈیو میں اروشی سفید کپڑے پہنے نظر آرہی ہیں لیکن اروشی کے میک اپ کو دیکھ کر نیٹیزین غصے میں ہیں۔ اپنے بہت سے تبصروں میں، نیٹیزنز نے لکھا، “کیا لوگ جنازوں میں اتنا میک اپ کرکے آتے ہیں؟، جب کوئی مر جاتا ہے تو کیا یہ لوگ میک اپ پہن کرکے آتے ہیں؟اگر آپ نے کسی فلم میں اتنی اچھی اداکاری کی ہوتی تو آج آپ سٹار ہوتے۔ اتنا میک اپ کون کرتا ہے۔