تاثیر 06 نومبر ۲۰۲۴:- ایس -ایم- حسن
گوا، 6 نومبر: شاندار فارم میں چل رہی دو ٹیمیں ایف سی گوا اور پنجاب ایف سی بدھ کی شام کو فاتوردا اسٹیڈیم میں کھیلے جانے والے انڈین سپر لیگ (آئی ایس ایل) 25-2024 کے میچ میں آمنے سامنے ہوں گی۔
ایف سی گوا نے بنگلورو ایف سی پر 0-3 کی شاندار جیت کے ساتھ چار گھریلو میچوں میں جیت سے اپنی دوری کو ختم کیا۔ لہٰذا گورس نئے اعتماد کے ساتھ اس میچ میں اتریں گے۔ اس کے ساتھ ہی پنجاب ایف سی بھی زبردست فارم میں ہے، وہ پانچ میچوں میں چار جیت اور ایک ہار سے 12 پوائنٹس کے ساتھ ٹیبل میں تیسرے نمبر پر ہے۔ اس دوران اسے واحد شکست 18 اکتوبر 2024 کو بنگلورو ایف سی کے خلاف ملی تھی۔
گورس نے آئی ایس ایل 25-2024 میں 18 یارڈ باکس کے اندر سے 12 گول کیے ہیں، جو اس عرصے میں سب سے زیادہ ہے۔ ان میں ارمانڈو سادیکو (6) اور بورا ہیرارا (4) نے دس گول داغے ہیں۔