تاثیر 06 نومبر ۲۰۲۴:- ایس -ایم- حسن
بہار شریف (محمد دانش) نالندہ پولس نے صرف 24 گھنٹوں کے اندر ہی روزنامہ بھاسکر کے صحافی کی ڈکیتی اور اغوا کے معاملے میں ایک بڑی کامیابی حاصل کی ہے۔ پولیس نے اس سنگین واردات میں ملوث 5 ملزمان کو گرفتار کر لیا ہے، جب کہ ایک ابھی تک مفرور ہے۔ ملزمان سے واردات میں استعمال ہونے والی دو اپاچی موٹرسائیکل اور موبائل فون برآمد کر لیے گئے ہیں۔ معلوم ہو کہ دیپ نگر تھانہ علاقے میں 4 نومبر کی رات تقریباً 9:30 بجے پیش آئی واقعہ میں مجرموں نے روزنامہ بھاسکر کے صحافی سنجیو کمار کو دفتر سے گھر لوٹتے وقت روک لیا۔ موٹر سائیکل پر سوار چھ مجرم اسے پنچانے ندی کے کنارے لے گئے اور یرغمال بنا لیا۔ جان سے مارنے کی دھمکی دے کر اس کے موبائل سے 19 ہزار روپے منتقل کر لیے گئے۔ یہی نہیں مجرموں نے صحافی کی جیب سے 5300 روپےبھی چھین لیے۔