تاثیر 08 نومبر ۲۰۲۴:- ایس -ایم- حسن
نئی دہلی، 8 نومبر: افغانستان کے اسٹار آل راونڈر محمد نبی آئندہ چیمپئنز ٹرافی کے بعد ون ڈے کرکٹ سے ریٹائر ہونے والے ہیں۔ افغانستان کرکٹ بورڈ (اے سی بی) کے چیف ایگزیکٹیو نصیب خان نے جمعہ کو کرک بز کو اس بات کی تصدیق کی۔
نصیب نے کرک بز سے کہا’’جی ہاں، نبی چیمپئنز ٹرافی کے بعد ون ڈے سے ریٹائر ہو رہے ہیں اور انہوں نے بورڈ کو اپنی خواہش سے آگاہ کر دیا ہے۔ انہوں نے چند ماہ قبل مجھے بتایا تھا کہ وہ چیمپئنز ٹرافی کے بعد اپنا ون ڈے کیریئر ختم کرنا چاہتے ہیں اور ہم ان کے فیصلے کا خیرمقدم کرتے ہیں۔ چیمپئنز ٹرافی کے بعد مجھے لگتا ہے کہ وہ اپنا ٹی- 20کیریئر جاری رکھیں گے اور ابھی تک یہی منصوبہ ہے۔‘‘