تاثیر 01 نومبر ۲۰۲۴:- ایس -ایم- حسن
کولکاتا، یکم نومبر:کھیلتے ہوئے بم پھٹنے سے تین لڑکے زخمی ہو گئے۔ یہ واقعہ پٹولی تھانہ علاقے کے تحت کولکاتا میونسپل کارپوریشن کے وارڈ نمبر 110 میں جمعہ کی صبح تقریباً 11:30 بجے پیش آیا۔ اس واقعہ سے علاقے میں سنسنی پھیل گئی ہے۔ زخمیوں کو باگھا جاتن اسٹیٹ جنرل اسپتال میں داخل کرایا گیا ہے۔
ذرائع کے مطابق جمعہ کی صبح کچھ مقامی لڑکے پاٹولی میلہ میدان میں کھیل رہے تھے کہ مقامی لوگوں کو تیز آواز سنائی دی۔ دھماکے کی آواز سے پڑوس کے گھر کی دیواریں لرز اٹھیں۔ کچھ ہی دیر میں زمین دھوئیں سے ڈھک گئی۔ دھماکے کی آواز سن کر مقامی نوجوان بھاگے تو انہوں نے تین لڑکے لہولہان زمین پر پڑے نظر آئے۔ پاٹولی پولیس اسٹیشن کو اطلاع دی گئی۔ اطلاع ملتے ہی پولیس موقع پر پہنچ گئی اور دھماکے کی جگہ کو گھیرے میں لے لیا۔ زخمیوں کو اسپتال بھیج دیا گیا۔