تاثیر 6 دسمبر ۲۰۲۴:- ایس -ایم- حسن
نئی دہلی، 6 دسمبر: ملک کی معروف کار ساز کمپنی ماروتی سوزوکی انڈیا لمیٹڈ نے جنوری 2025 سے اپنی تمام گاڑیوں کی قیمتوں میں 4 فیصد تک اضافہ کرنے کا اعلان کیا ہے۔ ماروتی سوزوکی گھریلو مارکیٹ میں آلٹو ہیچ بیک سے لے کر ملٹی یوٹیلیٹی گاڑیوں تک ماڈلز کی ایک وسیع رینج فروخت کرتی ہے۔
جمعہ کو اسٹاک مارکیٹ کو دی گئی معلومات میں ماروتی سوزوکی نے کہا کہ کاروں کی قیمتوں میں چار فیصد اضافہ متوقع ہے جو کہ ماڈل کے لحاظ سے مختلف ہوں گی۔ کمپنی نے کہا کہ یہ قدم ان پٹ لاگت اور آپریٹنگ اخراجات میں اضافے کے پیش نظر اٹھایا گیا ہے۔