گارڈن ریچ میں آریہ سیوا گرلز ایجوکیشن سوسائٹی کا سنگ بنیاد رکھا گیا

کولکتہ، 11/ دسمبر (تاثیر بیورو) آریہ سیوا گرلز ایجوکیشن سوسائٹی (اے ایس جی ای ایس) کی جانب سے اسٹار گرلز اکیڈمی کے نام سے ایک منفرد چیریٹیبل گرلز اسکول کا سنگ بنیاد رکھنے کی تقریب کی میزبانی کی گئی۔ لڑکیوں کی ترقی اور خواتین کو بااختیار بنانے نیز سماجی اقتصادی پسماندہ طبقے اور معاشرے کے پسے ہوئے طبقے سے آنے والی لڑکیوں کو تعلیم فراہم کرنے پرعزم مقصد کے تاتھ یہ قدم اٹھایا گیا۔ حالانکہ پچھلے 30 سالوں سے، مسز کرشنا کانتا (بانی) اور پنڈت کمل شرما (سماجی کارکن) لڑکیوں کو تمام تعلیمی سہولیات اور روزمرہ کی زندگی کی ضروریات مفت فراہم کر رہی ہیں۔ اس وقت لگ بھگ 1500 لڑکیاں ASGES کے ساتھ تعلیم حاصل کر رہی ہیں۔ اس تقریب نے نوجوان لڑکیوں کو سماجی چیلنجوں پر قابو پانے اور اپنے خوابوں کو حاصل کرنے کے لیے بااختیار بنانے کے مشن میں ایک اہم قدم آگے بڑھایا۔ کولکتہ اور مقامی معزز مہمانوں نے اس تقریب میں شمولیت اختیار کی اور نوجوانوں کے ذہنوں کو دل بھری تقاریر سے متاثر کیا، جس میں ASGES کے کام کے تبدیلی اثرات کو اجاگر کیا۔