تاثیر 19 دسمبر ۲۰۲۴:- ایس -ایم- حسن
کشن گنج (محمد شاداب غیور)
بہار کے سابق نائب وزیر اعلیٰ، قائد حزب اختلاف اور آر جے ڈی کے قومی صدر تیجسوی یادو جمعرات کو کشن گنج ضلع کے تمام پارٹی کارکن سے مخاطب ہوکر پارٹی کی مضبوطی کو لیکر ایک اجلاس کو خطاب کیا۔ اسی سلسلے میں تیجسوی یادو نے کشن گنج کے گیسٹ ہاؤس میں صحافیوں سے خطاب کرتے ہوئے مرکزی وزیر داخلہ امیت شاہ کے امبیڈکر سے متعلق دیے گئے متنازعہ بیان کی مخالفت کی۔ انہوں نے کہا کہ آر ایس ایس اور بی جے پی کو ملک کے عظیم آدمیوں کے تئیں جو نفرت ہے اس کا اندازہ امبیڈکر سے متعلق بیانات سے بخوبی لگایا جا سکتا ہے۔ بی جے پی اور آر ایس ایس کے لوگ ملک کے آزادی پسندوں اور عظیم آدمیوں کی شبیہ کو خراب کرنے کا کام کرتے ہیں۔ کیونکہ ان کے پاس کوئی عظیم آدمی نہیں ہے کیونکہ ان لوگوں کا ملک کی آزادی میں کوئی حصہ نہیں تھا۔ ملک کے 100 کروڑ عوام نے دیا ہے۔ اور ہر ایک کے حقوق اور احترام کے حوالے سے اظہار رائے کی آزادی دی ہے۔ نہوں نے کہا کہ مرکز میں تقریباً 20 سال سے اور بہار میں 11 سال سے این ڈی اے کی حکومت چل رہی ہے، لیکن پھر بھی بہار کے سیمانچل میں لوگ سیلاب، غربت، بے روزگاری کے مسائل سے دوچار ہیں اور نقل مکانی پر مجبور ہیں۔ لیکن اس سمت میں ایک بھی کام نہیں ہوا ہے، انہوں نے کشن گنج میں مجوزہ علی گڑھ مسلم یونیورسٹی کے فنڈز کو روکنے پر سخت تنقید کی، انہوں نے ہمیشہ کہا کہ اگر بہار میں حکومت بنی تو ہم سیمانچل ڈیولپمنٹ کونسل بنائیں گے۔ تاکہ سیمانچل میں ترقی ملے۔ مہنگائی کی وجہ سے بہار کی خواتین کو مالی بحران کا سامنا ہے، اس پر قابو پانے کے لیے ماں بہان مان یوجنا شروع کی جائے گی اور 2500 روپے ماہانہ براہ راست مستحقین کے کھاتے میں بھیجے جائیں گے۔
انہوں نے کہا کہ بہار میں حکومت بننے کے بعد تمام لوگوں کو 200 یونٹ بجلی مفت فراہم کی جائے گی تاکہ سمارٹ میٹر اور زمین کے سروے سے پریشان لوگوں کے مسائل کو حل کیا جا سکے۔انہوں نے کہا کہ گزشتہ الیکشن میں انہوں نے 20 لاکھ بے روزگاروں کو نوکریاں دینے کا وعدہ کیا تھا، جس میں ان کی 17 ماہ کی حکومت نے 5 لاکھ بے روزگاروں کو نوکریاں دی تھی۔ اس موقع پر کوچادھامن کے ایم ایل اے حاجی اظہار آصفی، بہادر گنج کے ایم ایل اے انظار نعیمی، ٹھاکر گنج کے ایم ایل اے سعود عالم، راشٹریہ جنتا دل کے ضلع صدر قمرالہدی، شاہد ربانی، راجد لیڈر مشتاق عالم ،جاوید پردھان اور دیگر موجود تھے۔