بہار میں ٹھنڈ کا قہر ، مغربی ہوا کی وجہ سے کئی علاقہ میں بارش

تاثیر  10  دسمبر ۲۰۲۴:- ایس -ایم- حسن

پٹنہ10دسمبر:: محکمہ موسمیات کی 24 گھنٹے کی رپورٹ میں سہرسہ بہار کا سرد ترین ضلع رہا۔ یہاں کم سے کم درجہ حرارت 9.1 ڈگری سیلسیس درج کیا گیا۔ اس کی وجہ مغربی ہوا بتائی جا رہی ہے۔ آئی ایم ڈی کے مطابق موسم میں مسلسل تبدیلیاں دیکھی جا رہی ہیں۔ خرابی کی وجہ سے پہاڑی علاقوں میں تیزی سے برف باری ہو رہی ہے۔ اس کا اثر بہار میں بھی نظر آرہا ہے۔
پیر کے روزراجدھانی پٹنہ سمیت کئی اضلاع میں شدید سردی تھی۔ بعض علاقوں میں بارش بھی ہوئی۔ پٹنہ سمیت بہار کے 15 اضلاع میں دھند چھائی رہی۔ تاہم جیسے جیسے دن چڑھتا گیا موسم صاف ہوتا گیا۔ منگل کے روز بھی کم از کم درجہ حرارت مزید گر گیا۔ محکمہ موسمیات کے مطابق رواں ہفتے درجہ حرارت 2 سے 4 ڈگری تک گر سکتا ہے۔ مغربی ہوائیں بھی چلیں گی جس سے سردی میں اضافہ ہوگا۔