تاثیر 20 دسمبر ۲۰۲۴:- ایس -ایم- حسن
جونپور، 21 دسمبر: مچھی لیشہر اور سجان گنج کی پولیس ٹیم نے مشترکہ طور پر مویشیوںکے اسمگلر کو جمعہ کی رات ہوئے ایک انکاؤنٹر میں گرفتار کیا۔ تصادم کے دوران مویشی اسمگلر کو پیر میں گولی لگی۔ اسے علاج کے لیے اسپتال میں داخل کرایا گیا ہے۔ اس کے قبضے سے دیسی ساختہ پستول، کارتوس اور موٹر سائیکل برآمد ہوئی۔ اس کا دوسرا ساتھی فرار ہے۔
ایریا آفیسر مچھلی شہر وویک سنگھ نے بتایا کہ مچھلی شہر پولیس اسٹیشن اور سجان گنج پولیس اسٹیشن کی مشترکہ ٹیم سرکل کے علاقے میں ہونے والی گائے کی اسمگلنگ کے جرم کو روکنے کے لیے چیکنگ کر رہی تھی کہ سجان گنج روڈ پر پراہت گیٹ کے قریب چیکنگ کے دوران دوبدمعاش آتے ہوئے نظر آئے۔ پولیس ٹیم نے رکنے کا اشارہ کیا تو ڈرائیور نے موٹر سائیکل موڑ دی اور دوبارہ سجان گنج کی طرف بھاگنے لگا۔