تاثیر 20 دسمبر ۲۰۲۴:- ایس -ایم- حسن
نئی دہلی، 20 دسمبر:سپریم کورٹ نے دہلی نوئیڈا ڈائریکٹ فلائی وے (ڈی این ڈی فلائی وے) کا استعمال کرنے والے لوگوں کو بڑی راحت دی ہے۔ سپریم کورٹ نے فیصلہ دیا ہے کہ ڈی این ڈی فلائی وے ٹول فری رہے گا۔ جسٹس سوریہ کانت کی قیادت والی بنچ نے الہ آباد ہائی کورٹ کے 2016 کے فیصلے کو برقرار رکھا۔
الہ آباد ہائی کورٹ نے ڈی این ڈی فلائی وے کو ٹول فری کر دیا تھا۔ ٹول کمپنی نوئیڈا ٹول برج کمپنی لمیٹڈ (این ٹی بی سی ایل) نے ہائی کورٹ کے اس فیصلے کے خلاف سپریم کورٹ میں اپیل کی۔ سپریم کورٹ نے کہا کہ عوامی ٹینڈر جاری کیے بغیر این ٹی بی سی ایل کو ٹھیکہ دیا گیا۔ یہ سراسر من مانی اور غلط ہے۔ نوئیڈا اتھارٹی اور این ٹی بی سی ایل کے درمیان ٹول وصول کرنے کا معاہدہ غلط ہے۔ اسے اس طرح بنایا گیا کہ ٹول کمپنی غیر معینہ مدت تک ٹول وصول کرنے کی مجاز ہے۔ اس غلط معاہدے کی وجہ سے عام لوگوں سے کئی سو کروڑ روپے غلط طریقے سے وصول کیے گئے۔