تاثیر 8 دسمبر ۲۰۲۴:- ایس -ایم- حسن
ایڈیلیڈ،08دسمبر: سنچری بنانے والے ٹریوس ہیڈ کو آؤٹ کرنے کے بعد تنازعہ میں الجھنے پر تنقید کا سامنا کرنے والے محمد سراج نے آسٹریلوی بلے باز کے ان تبصروں کو مسترد کر دیا ہے جس میں انہوں نے ہندوستانی فاسٹ باؤلر کی تعریف کرنے کا دعویٰ کیا تھا۔ ہیڈ نے 141 گیندوں پر 140 رنز کی شاندار اننگز کھیلی۔ انہوں نے آسٹریلیا کو پہلی اننگز میں 157 رنز کی کمانڈنگ برتری دلانے میں اہم کردار ادا کیا۔ اننگز کے 82ویں اوور میں ان کے آؤٹ ہونے کے بعد سراج اور ہیڈ کے درمیان گرما گرم بحث ہوئی۔ ہیڈ نے اس کے بعد براڈکاسٹروں سے کہا، “میں نے ا نہیں کہا، ‘اچھی بولنگ کی ‘۔ لیکن اس نے کچھ اور ہی سوچا اور مجھے باہر جانے کا اشارہ کیا۔ پچھلی چند اننگز میں جس طرح سے چیزیں چلی اس سے میں تھوڑا مایوس ہوں۔