تاثیر 3 دسمبر ۲۰۲۴:- ایس -ایم- حسن
بھیونڈی ( شارف انصاری ):- بھیونڈی شہر کے تحت موجے نائیگاوں ، مکان نمبر 1161/0، اے ونگ اور بی ونگ، گنیش سوسائٹی، بھیونڈی، چوتھی اور پانچویں منزل،بھیونڈی نظام پور سٹی میونسپل کارپوریشن کی طرف سے کورٹ کے حکم پر غیر مجاز تعمیرات کو لے کر انہدام کا کام شروع کیا گیا ہے۔ میونسپل کارپوریشن کی اس کارروائی سے غیر قانونی تعمیرات کرنے والوں میں خوف و ہراس پھیل گیا ہے۔
واضح رہے کہ ممبئی ہائی کورٹ میں دائر درخواست نمبر 12904/2024، موجے نائیگاوں ، مکان نمبر 1161/0، اے ونگ اور بی ونگ، گنیش سوسائٹی، بھیونڈی، مکیش کمار کاشی بھائی پٹیل کی طرف سے چوتھی اور پانچویں آر سی سی منزل کی تعمیر کو غیر مجاز قرار دیا گیا ہے۔ درخواست کی سماعت کرتے ہوئے معزز ہائی کورٹ نے مذکورہ تعمیرات کو ہٹانے کا حکم دیا ہے۔ اس کے مطابق، مذکورہ غیر مجاز تعمیرات کو بجلی کی فراہمی ٹورنٹ پاور کمپنی ، میونسپل کارپوریشن کے محکمہ واٹر سپلائی کی ٹیم کے ذریعے بجلی اور واٹر سپلائی کا کنکشن کاٹنے کے بعد میونسپل کارپوریشن کے مقرر کردہ ٹھیکیدار کے ملازمین اور تجاوزات کے ملازمین کے ذریعے غیر مجاز تعمیرات کو مسمار کرنے کا کام شروع کر دیا گیاہے ۔ بھیونڈی میونسپل کارپوریشن کے ایڈمنسٹریٹر اور کمشنر اجے ویدیا اور ایڈیشنل کمشنر نیز ڈپٹی کمشنر (محکمہ بلڈنگ اینڈ کنسٹرکشن) کی رہنمائی میں مذکورہ عمارت کے اے ونگ اور بی ونگ کی چوتھی اور پانچویں منزل پر غیر مجاز تعمیرات کو ہٹانے کا کام جاری کیاگیا ہے۔