تاثیر 2 دسمبر ۲۰۲۴:- ایس -ایم- حسن
نئی دہلی، 02 دسمبر: وزیر اعظم نریندر مودی نے آج صبح بھارتیہ جنتا پارٹی (بی جے پی) کے صدر جے پی نڈا کو ان کے یوم پیدائش پر مبارکباد دی۔ بی جے پی نے بھی اپنے صدر نڈا کو اپنے ایکس ہینڈل پر سالگرہ کی مبارکباد دی۔
وزیر اعظم نے اپنے ایکس ہینڈل پر لکھا،’’بی جے پی کے قومی صدر اور مرکزی وزیر جناب جے پی نڈا جی کو یوم پیدائش کی مبارکباد۔میں نڈا جی کو برسوں سے جانتا ہوں اور پارٹی میں ان کی قابل ذکر شراکت کو دیکھا ہے۔ انہوں نے ہر تنظیمی، قانون سازی اور انتظامی ذمہ داری کو تندہی سے ادا کیا۔ وہ ایک صحت مند ہندوستان کو یقینی بنانے کی کوششوں میں سب سے آگے ہے۔ انہیںلمبی صحت و تندرستی والی زندگی کا آشیرواد ملے۔