تاثیر 3 دسمبر ۲۰۲۴:- ایس -ایم- حسن
جے پور، 3 دسمبر: راجستھان کی سات اسمبلی سیٹوں پر ضمنی انتخابات جیتنے والے ایم ایل اے نے منگل کو حلف اٹھالیا۔ اسمبلی کے اسپیکر واسودیو دیونانی نے ممبران اسمبلی سے حلف لیا۔ دوسہ سے ڈی سی بیروا، کھنوسار سے ریواترام ڈانگا، سالمبر سے شانتا دیوی مینا، دیولی اونیارا سے راجندر گجر، جھن جھنو سے راجندر بھمبو، رام گڑھ سے سکھونت سنگھ اور چوراسی سے انیل کٹارا نے حلف لیا۔ اس دوران اسمبلی میں آر ایل پی کا صفایا ہو کرنے والے ریونترم ڈانگا ٹریکٹرپر بیٹھ کر اسمبلی پہنچے۔ ریاست میں 13 نومبر کو ہونے والے ضمنی انتخاب کے لیے ووٹنگ ہوئی، آئین کی کتاب دکھاتے ہوئے دوسہ کے ایم ایل اے ڈی سی بیروا اسمبلی پہنچے۔مراری لال مینا دوسہ اسمبلی سیٹ سے ، ہنومان بینیوال کھنوسار سے، راجکمار روت چوراسی سے ،برجیندر اولا کے جھن جھنو سے، ہریش مینا کے دیولی-انیارہ سے ایم پی بننے کے بعد یہ سیٹیں خالی ہو گئی تھیں۔ اسی طرح رام گڑھ سیٹ سے زبیر خان اور سالمبر سے امرت لال مینا کی موت کے بعد ضمنی انتخابات ہوئے تھے۔ سات سیٹوں پر ہوئے ضمنی انتخابات میں بی جے پی نے پانچ، کانگریس اور بھارتیہ ٹرائبل پارٹی نے ایک سیٹ جیتی۔ ضمنی انتخاب کے بعد اسمبلی میں ایم ایل ایز کی تعداد اب 200 تک پہنچ گئی ہے۔