تاثیر 11 جنوری ۲۰۲۵:- ایس -ایم- حسن
پٹنہ ، 11 جنوری :نالندہ ضلع کے راجگیر واقع بہار اسپورٹس یونیورسٹی کو یونیورسٹی گرانٹس کمیشن (یو جی سی) سے منظوری ملی ہے۔ یہ کامیابی ریاست کے کھیل اور تعلیم کے شعبے میں ایک اہم سنگ میل ہے۔
اب یونیورسٹی کو فزیکل ایجوکیشن اور اسپورٹس سائنس میں انڈر گریجویٹ اور ڈپلومہ/پوسٹ گریجویٹ ڈپلومہ جیسے تعلیمی کورس شروع کرنے کا حق مل گیا ہے۔ بہار اسپورٹس یونیورسٹی کا مقصد جسمانی تعلیم اور کھیل سائنس کے میدان میں معیاری تعلیم اور تربیت فراہم کرنا ہے۔ یہ یونیورسٹی طلباء کو نہ صرف تعلیمی قابلیت فراہم کرے گی بلکہ انہیں کھیلوں میں بھی بااختیار بنائے گی۔
اس موقع پر یونیورسٹی کے وائس چانسلر نے کہا کہ اس پہچان سے بہار کے نوجوانوں کو کھیل اور تعلیم کے میدان میں نئے مواقع فراہم کرنے کی راہ ہموار ہوگی۔ ہماری کوشش ہے کہ یونیورسٹی کو ہندوستان میں کھیلوں کی تعلیم میں ایک لیڈر بنایا جائے۔