‘نون منٹس’ 15 منٹ میں ڈلیوری کرے گا
دوبئی( یو اے ای)؍بنگلور، 19 فروری 2025۔ ریلائنس کنزیومر پروڈکٹس لمیٹڈ کا برانڈ ’ کیمپا‘ اب متحدہ عرب امارات کے ای کامرس پلیٹ فارم ‘ نون منٹس’ پر بھی دستیاب ہوگا۔ متحدہ عرب امارات کے صارفین کو کیمپا کی ڈیلیوری 15 منٹ سے بھی کم وقت میں مل جائے گی۔ کمپنی کا دعویٰ ہے کہ یہ اسٹریٹجک تعاون ’نون منٹس‘ کے مشروبات کے پورٹ فولیو کو مضبوط کرے گا۔ ایک دن پہلے یعنی منگل کو کمپنی نے یو اے ای کی مارکیٹوں میں کیمپا کے آغاز کا اعلان کیا تھا۔
نون کے چیف آف اسٹاف علی کفیل حسین نے کہا کہ نون منٹس صارفین کو ان کی پسندیدہ مصنوعات تک فوری رسائی فراہم کرتے ہیں۔ کیمپا ہمارے پورٹ فولیو کو مضبوط کرے گا۔ ہم اس مشروب کو متحدہ عرب امارات میں لانے کے لیے بہت پرجوش ہیں۔ یہ شراکت ایک سنگ میل کی حیثیت رکھتی ہے کیونکہ ہم اس بات کو یقینی بناتے ہیں کہ زیادہ سے زیادہ لوگ تیزی سے کیمپا سے لطف اندوز ہو سکیں۔ ہمارا مشن صارفین کو تیز تر مصنوعات کی فراہمی ہے۔
ریلائنس کنزیومر پروڈکٹس لمیٹڈ کےسی ای ایکیتن مودینے کہا، “ہم نون منٹس کے ساتھ کیمپا کی خصوصی شراکت کا اعلان کرتے ہوئے بہت پرجوش ہیں، ہم متحدہ عرب امارات میں اپنی موجودگی کو بڑھانا جاری رکھے ہوئے ہیں اور ای۔ کامرس پلیٹ فارم نونکو زیادہ سے زیادہ صارفین تک آ سانی سے پہنچانے کے لیے ایک کلیدی کردار ادا کرے گا۔
کیمپا کولا، کیمپا لیمن اور کیمپا اورنج ای کامرس پلیٹ فارم پر دستیاب ہوں گے۔ یہ صارفین کو خصوصی طور پر نون منٹس نون سپر ایپ کے ذریعے دستیاب کرائے جائیں گے۔ پورے متحدہ عرب امارات میں آرڈرز 15 منٹ یا اس سے کم وقت میں ڈیلیور کیے جائیں گے۔