تاثیر 20 فروری ۲۰۲۵:- ایس -ایم- حسن
غزہ ،20فروری :حماس نے غزہ جنگ بندی معاہدے کے تحت 4 یرغمالیوں کی لاشیں ریڈ کراس کے ذریعے اسرائیل کے حوالے کر دیں۔اسرائیلی یرغمالیوں کی لاشیں خان یونس سے ریڈکراس کے حوالے کی گئیں۔
ہلاک یرغمالیوں میں اسرائیلی خاتون شیری بیباس ، ان کے 2 بچے اور اوڈید لفشٹز شامل ہیں۔
رپورٹ کے مطابق چاروں یرغمالی اسرائیل بم باری میں مارے گئے تھے۔
اسرائیل نے ریڈ کراس کو لاشوں کی حوالگی کی تصدیق کر دی ہے۔حماس کا کہنا ہے کہ اس نے یرغمالیوں کو زندہ رکھنے کے لیے جو کچھ ہو سکا وہ کیا ہے۔یرغمالیوں کی لاشوں کی حوالگی سے قبل سڑکوں پر ہجوم لگا رہا۔اسرائیلی وزیرِ اعظم نیتن یاہو نے آج کے دن کو اسرائیل کے لیے بہت مشکل اور غم کا دن قرار دیا ہے۔