تاثیر 06 فروری ۲۰۲۵:- ایس -ایم- حسن
کولکاتہ، 06 فروری :کولکاتہ کے گارڈن ریچ علاقے میں سرسوتی پوجا کے وسرجن کے دوران تشدد پھوٹ پڑا، جس کے بعد ایک پولیس سب انسپکٹر اور ایک خاتون شہری رضاکار جو کہ حالات پر قابو پانے کے لیے گئی تھیں، زخمی ہو گئے۔ بدھ کی رات پیش آنے والے اس واقعے میں پولیس نے دو افراد کو گرفتار کیا ہے۔
موصولہ اطلاع کے مطابق گارڈنریچ کے پہاڑ پور میں ایک کلب نے سرسوتی پوجا کا اہتمام کیا تھا، جس کا وسرجن بدھ کی رات کو ہونا تھا۔ اس دوران دونوں جماعتوں کے درمیان اختلافات عروج پر پہنچ گئے جس کے بعد گارڈنریچ تھانے کے سب انسپکٹر کی قیادت میں پولیس فورس موقع پر پہنچ گئی۔ الزام ہے کہ اس دوران کلب کے ارکان نے مبینہ طور پر پولیس اہلکاروں کی بری طرح پٹائی کی۔
مزید سیکورٹی فورسز کی تعیناتی کے بعد ہی صورتحال پر قابو پایا جا سکا۔ آدتیہ پاسوان اور سیکت میتی کو اس حملے میں ملوث ہونے کے شبہ میں گرفتار کیا گیا ہے۔