آسا پارٹی کے خصوصی اجلاس کے پیش نظر کارکنوں کی نشست منعقد

بہارشریف(محمد دانش) مہتاب پیلس میں آج آسا پارٹی کی ایک اہم میٹنگ کا انعقاد کیا گیا۔ اجلاس کی صدارت بہارر شریف کے نگراں صدر مہیش کشواہا نے کی، جس میں پارٹی کے مختلف عہدیداروں اور کارکنوں نے شرکت کی۔ اجلاس کا مقصدبہار کے سابق وزیراعلیٰ اور بھارت رتن کرپوری ٹھاکرجی کی برسی کے موقع پر 16 فروری 2025 کوصغری ا کالج میدان میں ہونے والے کارکنوں کے اجلاس کی تیاریوں کا جائزہ لینا تھا۔ اس موقع پر پارٹی کے قومی نائب صدر اور خزانچی بیپن کمار یادو اور قومی نائب صدر منا صدیقی خصوصی طور پر موجود رہے۔اجلاس میں بیپن کمار یادو نے اجلاس کی تیاریوں کے بارے میں تفصیلی گفتگو کرتے ہوئے کارکنوں کو خطاب کیا۔ انہوں نے خطاب میں کہا کہ اس اہم اجلاس کے مہمان خصوصی اور افتتاح کنندہ پارٹی کے قومی صدر اور سابق مرکزی وزیر آر سی پی سنگھ ہوں گے۔ انہوں نے یہ بھی کہا کہ یہ اجلاس تنظیم کو مضبوط کرنے اور عوامی حمایت بڑھانے کے لیے سنگ میل ثابت ہوگا۔ آگے چل کر انہوں نے بتایا کہ بہار شریف اور رہوئی پبلک سے تقریباً 10,000 کارکن اس اجلاس میں شرکت کریں گے۔ اس کے علاوہ، نالندہ ضلع کے دیگر علاقوں سے بھی بڑی تعداد میں کارکن اس تاریخی اجلاس میں شرکت کریں گے۔ اجلاس کے ذریعے پارٹی کی سوچ کو عوام تک پہنچانے اور تنظیم کو مزید مضبوط کرنے پر زور دیا جائے گا۔ قومی صدر اور سابق مرکزی وزیر آر سی پی سنگھ کا خطاب اس اجلاس کی اہم خصوصیت ہوگا۔ ان کی قیادت میں پارٹی آئندہ انتخابات میں مضبوط طریقے سے حصہ لے گی اور کارکنوں کو انتخابی حکمت عملی کے لیے ضروری رہنمائی فراہم کی جائے گی۔ انہوں نے کہا کہ بہار کی عوام نئی سیاسی سوچ کی تلاش میں ہے، اور آسا پارٹی عوام کی آواز کو مضبوط کرنے کے لیے مکمل عزم کے ساتھ میدان میں اترے گی۔ پارٹی کے تمام کارکن اجلاس کی تیاریوں میں پوری توانائی اور جوش سے جٹ گئے ہیں۔ 16 فروری کو کرپوری ٹھا کر جی کی برسی پر ہونے والا یہ کارکنوں کا اجلاس تاریخی ہوگا۔قومی نائب صدر منا صدیقی نے کہا کہ آسا پارٹی کا قیام صرف تین ماہ پہلے ہوا تھا، لیکن اتنے کم وقت میں ہی پارٹی نے بہار کے کونے کونے میں اپنی مضبوط موجودگی درج کرائی ہے۔ انہوں نے کہا کہ پارٹی کے قومی صدر ایک ماہر تنظیمی رہنما ہیں اور ان کی قیادت میں پارٹی مسلسل ترقی کر رہی ہے۔ انہوں نے کہا کہ آسا پارٹی کارکنوں کی پارٹی ہے، اور جتنے زیادہ کارکن مضبوط ہوں گے، پارٹی بھی اتنی ہی طاقتور بنے گی۔ اس مو قع پر قومی جنرل سیکریٹری مانیک چند کشواہا، صوبائی نائب صدر ریاض الحق، صوبائی جنرل سیکریٹری ونود مکھیہ، جمیل شاہ، چپو سنگھ، کپل پرساد، ضلع صدر آنند کمار، اجے یادو، رنہیر یادو، لطیف خان، بٹو بجرنگی، مصباح حسین، مکیش ، رویندر یادو، شیلندر یادو، وجے پرکاش، امتیاز انور، سریندر کمار، روی کمار، سوہن کمار، رامجی پرساد، ونود چوہدری، موہن شرماسمیت دیگر کارکن موجود رہے۔ نوٹ اس خبر کے ساتھ تصویربھی ارسال خدمت ہے