تاثیر 13 مارچ ۲۰۲۵:- ایس -ایم- حسن
ہیوسٹن ،13مارچ :امریکہ کے چوتھے بڑے شہر ہیوسٹن میں سالانہ افطار ڈنر کا شاندار انعقاد کیا گیا۔ یو سٹی ایونٹ سینٹر میں منعقدہ اس تقریب کا اہتمام ہیوسٹن کے میئر اور سسٹر سٹیز ایسوسی ایشنز کے اشتراک سے کیا گیا، جس میں مختلف مکاتبِ فکر اور شعبہ ہائے زندگی سے تعلق رکھنے والے 2500 سے زائد افراد نے شرکت کی۔
افطار ڈنر میں ہیوسٹن کے مئیر جان وٹ مائیر مہمانِ خصوصی تھے جبکہ دیگر معزز مہمانوں میں رکن کانگریس ایل گرین، ممتاز امریکی بزنس مین جاوید انور، بزنس ٹائیکون تنویر احمد، کئی ممالک کے سفارت کار، اعلیٰ سرکاری حکام، اور کمیونٹی رہنما اس میں شریک ہوئے۔