تاثیر 16 مارچ ۲۰۲۵:- ایس -ایم- حسن
ممبئی16 مارچ(ایم ملک)سلمان خان کی بہت انتظار کی جانے والی فلم ‘ سکندر’ کی شوٹنگ باضابطہ طور پر مکمل ہو گئی ہے اور مداح پہلے ہی سپر اسٹار کے نئے اوتار کو لے کر پرجوش ہیں۔ حال ہی میں سلمان نے ممبئی میں فلم کی فائنل شوٹنگ مکمل کی، جس میں ان کے ساتھ رشمیکا منڈنا، ہدایت کار اے۔ آر مروگاداس اور پروڈیوسر ساجد ناڈیاڈوالا بھی موجود تھے۔شوٹنگ کے بعد، سلمان خان نے اپنی شکل میں ایک بڑی تبدیلی کی- انہوں نے اپنی داڑھی منڈوائی، جو انہوں نے فلم میں کردار کے لیے بڑھائی تھی۔ سلمان کی کلین شیو کی تصویریں اب سوشل میڈیا پر وائرل ہو رہی ہیں۔قریبی ذرائع کے مطابق ممبئی کے باندرہ میں سلمان اور رشمیکا کے درمیان یہ پیچ ورک سین تھا جو رات ساڑھے آٹھ بجے مکمل ہوا۔ شوٹنگ ختم ہوتے ہی سلمان نے اپنی داڑھی ہٹا لی کیونکہ حقیقی زندگی میں وہ کلین شیو نظر کو ترجیح دیتے ہیں۔’سکندر’ کی شوٹنگ ممبئی، حیدرآباد اور ملک کے دیگر حصوں میں تقریباً 90 دن تک جاری رہی۔ اس دوران چار گانے فلمائے گئے جن میں تین زبردست ڈانس نمبرز شامل تھے۔ اس کے علاوہ پانچ بڑے ایکشن سیکوئنس بھی شوٹ کیے گئے، جو ناظرین کو بڑی اسکرین پر ایک بہترین تجربہ دینے جا رہے ہیں۔ذرائع کا کہنا ہے کہ فلم میں زبردست ایکشن کے ساتھ رومانس، سیاست، ڈرامہ اور انتقام کا امتزاج ہوگا۔ فی الحال فلم کی پوسٹ پروڈکشن کا کام زوروں پر ہے جس میں کلر گریڈنگ، وی ایف ایکس اور بیک گراؤنڈ میوزک شامل کیا جا رہا ہے۔ ‘سکندر’ کا فائنل پرنٹ اگلے پانچ دنوں میں تیار ہو جائے گا، جس کے بعد اس کی عید 2025 میں ریلیز کے لیے الٹی گنتی شروع ہو جائے گی۔اگرچہ فلم کی پرنسپل شوٹنگ جنوری میں مکمل ہوئی، سلمان، رشمیکا اور پوری ٹیم نے فروری اور مارچ میں کچھ پیچ ورک اور ایک پروموشنل گانا شوٹ کیا۔’سکندر’ کے ٹیزر نے ریلیز ہوتے ہی دھوم مچا دی ہے۔