تاثیر 20 مارچ ۲۰۲۵:- ایس -ایم- حسن
نئی دہلی، 20 مارچ : راجیہ سبھا کی رکن سواتی مالیوال نے سندھو سرحد پر کسانوں پر پنجاب حکومت کے بلڈوزر آپریشن کو لے کر عام آدمی پارٹی کے کنوینر اروند کیجریوال کو نشانہ بنایا۔ انہوں نے کہا کہ یہ کیجریوال کے غصے اور انتقام کے جذبے کی علامت ہے۔سواتی مالیوال نے اپنی پوسٹ میں لکھا کہ اروند کیجریوال کا مقصد ہائی وے کو کھولنا نہیں بلکہ اپنے لیے راجیہ سبھا کا راستہ کھولنا ہے۔ کسانوں کے خلاف دیر رات کی کارروائی سے ناراض مالیوال نے کہا کہ کیجریوال کو لگتا ہے کہ ایسا کرنے سے لدھیانہ کے تاجر خوش ہوں گے۔ الیکشن جیت جائیں گے اور اروڑہ کی راجیہ سبھا سیٹ خالی ہو جائے گی۔