ٹاٹا اسٹیل کولکتہ ورلڈ 25K، کھیل اور فلاحی خدمات کا شاندار امتزاج

کولکتہ، 22/ مارچ (محمد نعیم) ٹاٹا اسٹیل ورلڈ 25K کولکتہ، جو دنیا کی پہلی ورلڈ ایتھلیٹکس گولڈ لیبل 25K دوڑ اور مغربی بنگال کا سب سے بڑا رننگ فیسٹیول ہے، نے 15 دسمبر 2024 کو ایک تاریخی کامیابی حاصل کی۔ ریڈ روڈ پر 20,500 سے زائد رنرز نے حصہ لیا، جہاں مقابلے، فلاحی کاموں اور سماجی بھلائی کے جذبے کی گونج سنائی دی۔

اس ایونٹ کے فلاحی اقدام کو امپیکٹ 360 فاؤنڈیشن کی سرپرستی حاصل تھی، جو کہ اس سال پہلی بار فلاحی شراکت دار کے طور پر شامل ہوا۔ اس موقع پر 30 سے زیادہ غیر سرکاری تنظیموں نے مل کر 29.91 لاکھ روپے جمع کیے، جو کہ پسماندہ طبقات کی مدد، تعلیمی منصوبوں، خواتین کے حقوق، صحت، ماحولیات، معذور افراد کی فلاح و بہبود اور دیگر سماجی مسائل کے حل کے لیے استعمال کیے جائیں گے۔