تاثیر 15 اپریل ۲۰۲۵:- ایس -ایم- حسن
نئی دہلی، 15 اپریل:مہنگائی کے محاذ پر راحت کی خبر ہے۔ مارچ کے مہینے میں ہول سیل پرائس انڈیکس (ڈبلیو پی آئی) کی بنیاد پر مہنگائی کی شرح کم ہو کر 2.05 فیصد پر آگئی ہے۔ اس سے قبل نومبر میں تھوک مہنگائی 1.89 فیصد تھی، جب کہ فروری میں یہ 2.38 فیصد تھی۔ یہ 4 ماہ کی کم ترین سطح ہے۔
وزارت تجارت اور صنعت کی طرف سے منگل کو جاری کردہ اعداد و شمار سے ظاہر ہوتا ہے کہ روزمرہ کی اشیائے ضروریہ کی قیمتوں میں کمی کی وجہ سے تھوک مہنگائی کی شرح میں کمی آئی ہے۔ مارچ میں ڈبلیو پی آئی افراط زر 2.05 فیصد تک گر گیا۔ تاہم، اس میں سالانہ بنیادوں پر اضافہ ہوا ہے، جو مارچ 2024 میں 0.26 فیصد تھا۔ مارچ 2025 میں تھوک مہنگائی کی شرح میں سالانہ بنیادوں پر غذائی مصنوعات، دیگر مینوفیکچرنگ، اشیائے خوردونوش، بجلی اور ٹیکسٹائل مینوفیکچرنگ وغیرہ کی قیمتوں میں اضافے کی وجہ سے اضافہ ہوا ہے۔ تھوک قیمتوں کے اشاریہ کے اعداد و شمار کے مطابق، مارچ میں خوراک کی افراط زر کی شرح 7 فیصد سے 5 فیصد تک گر1.57 فیصد رہ گئی۔ جبکہ فروری میں یہ 3.38 فیصد رہی تھی۔