تاثیر 30 جون ۲۰۲۵:- ایس -ایم- حسن
دربھنگہ(فضا امام)30 جون: ایس ایس ایف نیشنل کمیٹی کے زیر اہتمام منعقدہ ترتیل قرآن مقابلے کا گرینڈ فائنل کشن گنج، بہار میں اختتام پذیر ہوا۔ کیرالہ نے قومی چیمپئن کا اعزاز حاصل کیا، جب کہ کرناٹک نے دوسرا اور مغربی بنگال نے تیسرا مقام حاصل کیا۔یہ پروگرام کیمپسز اور کمیونٹیز میں قرآن کی تلاوت اور اس کے علم کے فروغ کے مقصد سے منعقد کیا گیا تھا۔ مقابلے میں شریک طلبہ نے یونٹ، زون، ضلع اور ریاستی سطح پر کامیابی حاصل کرنے کے بعد قومی سطح تک رسائی حاصل کی۔ اسکولوں، مدارس، کالجوں اور یونیورسٹیوں کے طلبہ نے اس مقابلے میں شرکت کی، جسے ملک کے سب سے بڑے قرآنی مقابلوں میں شمار کیا جا رہا ہے۔افتتاحی تقریب کا آغاز آل انڈیا مائنارٹی آرگنائزیشن کے چیئرمین ناصر احمد نے کیا۔ تقریب کی صدارت ایس ایس ایف کے قومی صدر سی پی عبید اللہ ثقافی نے کی، جبکہ نیشنل جنرل سیکریٹری دلشاد احمد نے کلیدی خطاب پیش کیا۔گرینڈ فائنل کے ساتھ ساتھ “ایجو سین کیریئر ایکسپو” کا بھی انعقاد کیا گیا، جس میں طلبہ کو کیریئر گائیڈنس اور تعلیمی مشورے فراہم کیے گئے۔ اس ایکسپو میں داخلے، اسکالرشپس اور نئی نسل کے کورسز سے متعلق معلومات فراہم کی گئیں۔اختتامی اجلاس میں انعامات تقسیم کیے گئے اور سابق ایس ایس ایف انڈیا صدر نوشاد عالم مصباحی ، شہزادہ فاتح بلگرام شریف سید انس مصطفی واحدی، ڈاکٹر سجاد عالم مصباحی ، مفتی زبیر عالم صدیقی ، علامہ ریحان انجم مصباحی مدھوبنی ، نے خطاب کیا خصوصیت کے ساتھ گل گلزار نقشبندیت حضرت سید بابو حضور صاحب و حضرت سید صوفی قیام الدین صاحب تشریف فرما تھے پروگرام کی نظامت کے فرائض مفتی محمد فقیہ القمر نعمانی ثقافی نے انجام دیا ۔تصویر کی تفصیل: آل انڈیا مائنارٹی آرگنائزیشن کے چیئرمین ناصر احمد کشن گنج، بہار میں ایس ایس ایف نیشنل ترتیل گرینڈ فائنل کا افتتاح کرتے ہوئے کہا ایس ایس ایف واقعی قوم وملت کی فلاح کے لیے کام کررہی میں ہر اعتبار سے اس کے ساتھ ہوں ۔