تاثیر 30 جولائی ۲۰۲۵:- ایس -ایم- حسن
ماسکو/ٹوکیو/واشنگٹن، 30 جولائی : روس کے مشرق بعید کے علاقے کامچٹکا میں آج زلزلے کے شدید جھٹکے محسوس کیے گئے۔ ریکٹر اسکیل پر اس کی شدت 8.7 ریکارڈ کی گئی۔ ایک اور خبر میں زلزلے کی شدت 8.8 بتائی گئی ہے۔ کامچٹکا میں سال 1952 کے بعد سے یہ سب سے زیادہ طاقتور زلزلہ ہے۔ سخالین علاقے کی حکومت کے مطابق اس کے بعد سونامی کی لہر سیویرو کورلسک شہر کے ساحلی علاقے سے ٹکرا گئی۔
روس کی سرکاری خبر رساں ایجنسی TASS، جاپان کے اخبار آسائی شبھوم اور امریکی نیوز چینل سی این این کی رپورٹوں کے مطابق یہ زلزلہ پیٹروپاولوسک کامچٹسکی سے 150 کلومیٹر دور کامچٹکا میں مقامی وقت کے مطابق دوپہر 12 بجے کے قریب آیا (ماسکو وقت کے مطابق 00:00 جی ایم ٹی) اس کی وجہ سے شمالی بحرالکاہل کے کچھ حصوں میں سونامی آئی ہے۔ جنوب میں الاسکا، ہوائی اور نیوزی لینڈ کے لیے وارننگ جاری کی گئی۔ ہونولولو میں سونامی کی وارننگ سائرن بجنے کے بعد لوگ اونچے مقامات پر منتقل ہو گئے۔
جاپان کی موسمیاتی ایجنسی نے کہا کہ سونامی کی پہلی لہر، تقریباً 30 سینٹی میٹر (تقریباً 1 فٹ) اونچی، ہوکائیڈو کے مشرقی ساحل پر واقع نیمورو تک پہنچی۔
کہا جاتا ہے کہ کامچٹکا جزیرہ نما پر زلزلے کے مرکز کے قریب ترین روسی علاقوں کو کافی نقصان پہنچا ہے۔ لوگوں کو نکالا جا رہا ہے۔ گورنر ویلری لیمارینکو کے مطابق سونامی کی پہلی لہر بحر الکاہل میں روس کے جزائرکورل کی مرکزی بستی سیویرو-کوریلسک کے ساحلی علاقے سے ٹکرائی۔ لوگ اونچے مقامات پر اس وقت تک رہیں گے جب تک کہ ایک اور لہر کا خطرہ ٹل نہ جائے۔
پیسیفک سونامی وارننگ سینٹر نے کہا کہ ہوائی، چلی، جاپان اور جزائر سلیمان کے کچھ ساحلی علاقوں میں لہروں کی سطح سے 1 سے 3 میٹر بلند لہریں اٹھ سکتی ہیں۔ روس اور ایکواڈور کے کچھ ساحلی علاقوں میں تین میٹر سے زیادہ اونچی لہریں اٹھ سکتی ہیں۔ مرکز نے خبردار کیا ہے کہ سونامی تمام جزائر ہوائی کے ساحلی علاقوں کو نقصان پہنچا سکتا ہے۔ لہریں مقامی وقت کے مطابق شام 7 بجے کے قریب اٹھ سکتی ہیں۔
جاپان اور امریکہ کے ماہرین زلزلہ نے بتایا کہ جاپانی وقت کے مطابق صبح 8:25 پر آنے والے زلزلے کی ابتدائی شدت 8.0 تھی۔ امریکی جیولوجیکل سروے نے بعد میں کہا کہ اس کی شدت 8.8 تھی۔ ا