تاثیر 3 جولائی ۲۰۲۵:- ایس -ایم- حسن
ممبئی، 3 جولائی :اکشے کمار اور سیف علی خان کی جوڑی تقریباً 17 سال بعد ایک بار پھر بڑے پردے پر نظر آئے گی۔ دونوں ستارے ایک سنسنی خیز تھرلر فلم میں کام کر رہے ہیں، جس کی ہدایت کاری پریہ درشن کر رہے ہیں، جنہوں نے ‘ہیرا پھیری’، ‘بھول بھولیا’ اور ‘دے د نا د ن’ جیسی سپر ہٹ فلمیں دی ہیں۔ اب شائقین کا انتظار ختم ہو گیا ہے کیونکہ آخرکار اکشے-سیف کی اس فلم کا نام سامنے آ گیا ہے۔
رپورٹس کے مطابق اکشے کمار، سیف علی خان اور ہدایت کار پریہ درشن کی آنے والی فلم کا نام ‘حیوان’ رکھا گیا ہے۔ میکرز کا کہنا ہے کہ یہ ٹائٹل فلم کی کہانی سے بالکل میل کھاتا ہے۔ بتایا جا رہا ہے کہ فلم کا اسکرپٹ مکمل ہو چکا ہے اور اس کی شوٹنگ اگست 2025 سے شروع ہو جائے گی، اگر سب کچھ وقت پر ہو گیا تو یہ تھرلر فلم اگلے سال کے وسط تک سینما گھروں میں ریلیز ہو سکتی ہے۔ تاہم ابھی تک ریلیز کی تاریخ کا باضابطہ اعلان نہیں کیا گیا ہے۔