تاثیر 9 جولائی ۲۰۲۵:- ایس -ایم- حسن
پریاگ راج، 09 جولائی: اترپردیش کے پریاگ راج میں بدھ کی صبح میجا تھانہ علاقے کے بیدولی گاوں میں ایک تالاب سے چار بچوں کی لاشیں برآمد ہوئی ہیں۔ بچے منگل کی شام سے لاپتہ تھے۔ پولیس ٹیم موقع پر پہنچ گئی ہے اور تحقیقات کر رہی ہے۔
یمنا نگر کے ڈپٹی کمشنر آف پولیس وویک چندر یادو نے بتایا کہ ہیرا آدیواسی کا بیٹا ہنر (5) اور بیٹی وینوی (4)، ومل کا بیٹا کندھا (5)، سنجے آدیواسی کا بیٹا کیسری (4) منگل کی شام ایک ساتھ باہر گئے تھے اور واپس نہیں آئے۔ دیر ہوئی تو گھر والوں نے ان کی تلاش شروع کی۔ اس بارے میں پولیس کو بھی اطلاع دی گئی۔ اطلاع ملنے پر اسسٹنٹ پولیس کمشنر ایس پی اپادھیائے بھی منگل کی رات موقع پر پہنچ گئے۔