تاثیر 21 جولائی ۲۰۲۵:- ایس -ایم- حسن
مغربی مدنا پور، 21 جولائی: بھارتیہ جنتا پارٹی کے سابق ریاستی صدر دلیپ گھوش نے پارٹی چھوڑنے کی قیاس آرائیوں کو یکسر مسترد کر دیا ہے۔ گزشتہ کچھ دنوں سے سیاسی گلیاروں میں دلیپ گھوش کے بی جے پی چھوڑنے کی قیاس آرائیاں سنائی دے رہی تھیں۔ پیر کے روز دلیپ گھوش نے خود ان قیاس آرائیوں پر مکمل طور پر روک لگا دی۔ انہوں نے واضح کیا کہ وہ بھارتیہ جنتا پارٹی چھوڑنے والے نہیں ہیں۔
اس بارے میں پوچھے جانے پر دلیپ گھوش نے کہا، ’’کیا میں کوئی آوارہ کتا ہوں جو صبح و شام گھر گھر گھومتا رہوں؟ جو لوگ خود اِدھر اُدھرپارٹیاں بدلتے رہتے ہیں، اس طرح کا پروپیگنڈہ کرتے ہیں۔ بی جے پی کے کارکن اپنے فروخت نہیں ہوتے ہیں۔ مارو تو ریاست چھوڑ سکتے ہیں، لیکن پارٹی کا جھنڈا نہیں چھوڑیں گے۔‘‘