تاثیر 17 جولائی ۲۰۲۵:- ایس -ایم- حسن
کاٹھمنڈو، 17 جولائی: 8 جولائی کو نیپال چین سرحد رسووا بارڈر پر نیپال چین دوستی کا پل سیلاب کے باعث پل بہہ جانے کے بعد چین کی جانب پھنسے ہوئے تقریباً 1200 نیپالی شہریوں کو واپس لانے کے لیے جمعرات کو سفارتی کوششیں تیز کر دی گئیں۔مقامی انتظامیہ نے کیرونگ میں پھنسے نیپالی شہریوں کو واپس لانے کے لیے چینی وزارت خارجہ کو خط لکھا ہے۔
رسووا ضلع کے چیف ڈسٹرکٹ آفیسر ارجن پوڈیل کے مطابق وزارت خارجہ نے چینی حکومت سے 1200 پھنسے ہوئے لوگوں کی واپسی کا بندوبست کرنے کی درخواست کی ہے۔ چینی فریق نے کیرونگ میں پھنسے ہوئے نیپالیوں کے لیے کھانے اور رہائش کا انتظام کیا ہے۔ پھنسے ہوئے افراد میں 91 ڈرائیور اور ہیلپر شامل ہیں۔ پوڈیل نے کہا کہ بدھ کو انہوں نے نیپال کی وزارت خارجہ کو ایک خط بھیجا تھا جس میں سفارتی اقدامات شروع کرنے کی درخواست کی گئی تھی۔