تاثیر 30 جولائی ۲۰۲۵:- ایس -ایم- حسن
نئی دہلی، 30 جولائی : ہندوستان کے ہردیپ نے ایتھنز (یونان) میں منعقدہ انڈر 17 ورلڈ ریسلنگ چمپئن شپ میں 110 کلو گرام گریکو رومن زمرے میں طلائی تمغہ جیت کر ملک کا نام روشن کیا۔فائنل میچ میں ہردیپ نے ایران کے یزدان رضا دلروز کو سخت مقابلے میں کلیٹیریم کی بنیاد پر شکست دی، کیونکہ یہ میچ 3-3 سے برابری پر ختم ہوا۔
ہردیپ نے کوالیفکیشن راؤنڈ میں قازقستان کے باکاتور سویتخان کو 2-0 سے شکست دی۔ راؤنڈ آف 16 میں انہوں نے پولینڈ کے میٹیوز یاروسلاو ٹومیلکا کو 4-2 سے شکست دی۔ اس کے بعد انہوں نے کوارٹر فائنل میں یوکرین کے اناتولی نوواچینکو کو 9-0 سے شکست دی۔سیمی فائنل میں ہردیپ نے ترکی کے امراللہ کپکان کو 4-2 سے شکست دے کر فائنل میں داخلہ لیا اور آخر کار تاریخی گولڈ میڈل جیت لیا۔