تاثیر 23 جولائی ۲۰۲۵:- ایس -ایم- حسن
پٹنہ، 23 جولائی :بہار قانون ساز اسمبلی میں مانسون اجلاس کے تیسرے دن اپوزیشن نے قانون ساز اسمبلی-قانون ساز کونسل میں ہنگامہ کیا۔ بہار اسمبلی کی کارروائی کے تیسرے دن، قائد حزب اختلاف تیجسوی یادو نے ووٹروں کی نظرثانی پر اپنے خیالات پیش کئے۔ اس دوران وزیر اعلیٰ نتیش کمار نے تیجسوی یادو کو جواب دیا۔
وزیر اعلیٰ نتیش نے کہا کہ تیجسوی یادو کو اپنے والدین کے دور کو دیکھنا چاہیے۔ راجدھانی پٹنہ میں بھی شام کو کوئی گھر سے نہیں نکلتا تھا۔ پہلے حالات کتنے خراب تھے۔ انہوں نے کہا کہ مرکزی حکومت ریاست کی بہت مدد کر رہی ہے۔ ہم لوگوں نے مل کر جو بھی کمی تھی اسے پورا کیا۔ اب الیکشن لڑنا ہے تو الیکشن لڑیں۔ اس سے پہلے کسی نے خواتین کے لیے کچھ نہیں کیا۔ ہم لوگوں نے 50 فیصد ریزرویشن دیا۔ ہم لوگوں نے خواتین کے لیے بہت کچھ کیا ہے۔