سیتامڑھی کو ملا اک اور امرت بھارت ٹرین کا تحفہ

سیتامڑھی (مظفر عالم)

موتیہاری سے وزیر اعظم نریندر مودی نے سیتامڑھی ضلع کے لوگوں کو بڑا تحفہ دیا۔ دراصل، “امرت بھارت” ٹرین اب سیتامڑھی جنکشن ہوتے ہوئے شروع ہوا ہے۔ امرت بھارت دوسری ٹرین ہے، جو سیتامڑھی کے راستے جائے گی۔ وزیر اعظم نریندر مودی نے موتیہاری میں منعقد ایک عظیم الشان پروگرام سے اس کا آن لائن افتتاح کیا۔ اس کے ساتھ ہی وزیراعظم مودی نے شمالی بہار کو اور بھی کئی تحفے دیئے۔

مذکورہ ٹرین ہفتے میں ایک بار سیتامڑھی کے راستے ایودھیا جائے گی۔ یعنی سیتامڑھی سے ہر ہفتہ  ایودھیا کے لیے کھلے گی۔ وزیر اعظم کی جانب سے نئی ٹرین کے تحفے سے ضلع کے لوگ بہت خوش ہیں۔ اب یہاں کے لوگوں کو ایودھیا اور دیگر مقامات پر سفر کرنے کی سہولت حاصل ہوگی۔ مقامی اسٹیشنری کے دکاندار ایڈوکیٹ  اور کسان سماجی کارکن سمیت دیگر نے امرت بھارت ٹرین کا تحفہ دینے پر وزیراعظم مودی کی تعریف کی ہے۔ مذکورہ لوگوں نے ماں سیتا کی جائے پیدائش کی ترقی کے لیے کروڑوں روپے مختص کرنے پر بھی وزیراعظم کا شکریہ ادا کیا ہے۔

بتایا گیا ہے کہ نئی امرت بھارت ٹرین دربھنگہ سے شروع ہوگی، جو سیتامڑھی، رکسول، نرکتیا گنج اور گورکھپور سے ہوتی ہوئی ایودھیا پہنچے گی۔ یہ ٹرین لکھنؤ کے گومتی نگر تک جائے گی۔ اس پروگرام کے لیے اسٹیشن کو سجایا گیا ہے اور مہمانوں کے لیے اسٹیج بنایا گیا ہے۔ یہ نئی امرت بھارت ٹرین دربھنگہ سے 12:30 پر روانہ ہوگی اور سیتامڑھی جنکشن 1:15 پر پہنچے گی۔ یہ یہاں سے 1:20 پر روانہ ہوگی اور صبح 4:05 بجے گومتی نگر پہنچے گی۔ اب امرت بھارت ٹرین ہفتے میں تین دن ایودھیا کے لیے چلے گی۔ ماضی سے، دہلی کے لیے ہر پیر اور جمعرات کو ایک امرت بھارت ٹرین سیتامڑھی اور ایودھیا کے راستے دربھنگہ جاتی ہے۔