تاثیر 11 اگست ۲۰۲۵:- ایس -ایم- حسن
نئی دہلی، 11 اگست: دہلی کے میئر راجہ اقبال سنگھ نے پیر کو بی ایس ایف کیمپ چاولہ میں دہلی کی وزیر اعلیٰ ریکھا گپتا کی قیادت میں منعقد کی گئی ‘ایک پیڑ ما ںکے نام’ مہم میں حصہ لیا اور ایک پودا لگایا۔ انہوں نے کہا کہ یہ صرف درخت لگانے کا پروگرام نہیں ہے بلکہ دہلی کے ماحول، ہوا اور آنے والی نسلوں کے مستقبل میں سرمایہ کاری ہے۔
میئر راجہ اقبال سنگھ نے کہا کہ آج کا دن دہلی کی سبز تاریخ میں درج ہونے جا رہا ہے۔ صرف ایک گھنٹے میں اس کیمپس میں ایک ہزار اور دہلی کے مختلف حصوں میں ایک لاکھ پودے لگائے جا رہے ہیں۔ انہوں نے کہا کہ شجرکاری کی یہ عظیم الشان مہم وزیر اعظم نریندر مودی کے ’ایک پیڑ ماں کے نام‘ کی کال کو پورا کرتی ہے۔
انہوں نے کہا کہ اس پروگرام کا مقصد معاشرے اور قوم کی بہتری کے لیے پودا لگانا ہے جو فوجیوں کی طرح ملک کی خدمت کرتے ہیں۔ درخت آکسیجن فراہم کرکے ماحول کی حفاظت کرتے ہیں جس طرح فوجی سرحدوں پر ملک کی حفاظت کرتے ہیں۔