تاثیر 22 اگست ۲۰۲۵:- ایس -ایم- حسن
فریدآباد، 22 اگست: گروگرام میں یوٹیوبر اور بگ باس او ٹی ٹی کے فاتح ایلوش یادو کے گھر پر فائرنگ کرنے والے ملزم کو جمعہ کی صبح ایک انکاؤنٹر کے بعد گرفتار کیا گیا۔ اس کے بارے میں اطلاع ملتے ہی فرید آباد کرائم برانچ کی ٹیم اسے گرفتار کرنے پہنچ گئی، جہاں اس نے پولیس پر فائرنگ کردی۔ جواب میں پولیس نے فائرنگ کی۔ اس دوران ملزم کی ٹانگ میں گولی لگی۔ وہ زخمی ہو گیا اور پولیس نے اسے پکڑ لیا۔ وہ فی الحال اسپتال میں داخل ہیں۔ یہ انکاؤنٹر جمعہ کی صبح گریٹر فرید آباد کے فرید پور-تیگاؤں روڈ پر ہوا۔
ملزم ایشانت عرف ایشو گاندھی فرید آباد کی پروتیہ کالونی کا رہنے والا ہے۔ پولیس کے مطابق ایشانت گاندھی کے خلاف کئی مقدمات درج ہیں۔ دراصل 17 اگست کی صبح سیکٹر 57 میں ایلوش کے گھر پر 24 راونڈ فائرنگ کی گئی تھی۔ گولیاں گھر کے دروازوں، کھڑکیوں اور چھت کو لگیں۔ فائرنگ کرتے ہوئے ملزمان کی سی سی ٹی وی فوٹیج سامنے آگئی تھی۔ اس کے بعد سے ہی پولیس فائرنگ کرنے والے لوگوں کی تلاش میں تھی۔ بھاؤ گینگ نے اس فائرنگ کی ذمہ داری قبول کی تھی۔ ایلوش یادیو کے گھر پر فائرنگ کے بعد ایشانت فرار ہو گیا تھا۔ پولیس اسے مسلسل تلاش کر رہی تھی۔ پولیس ترجمان کے مطابق اس دوران پولیس کو اطلاع ملی کہ ایشانت فرید آباد کے فرید پور گاؤں کے قریب چھپا ہوا ہے۔