ایم پی روڈی کی کانسٹیٹیوشن کلب سیکرٹری انتخاب میں جیت پر منایا گیا جشن

چھپرہ (نقیب احمد)

کانسٹیٹیوشن کلب آف انڈیا کے سکریٹری عہدے کے انتخاب میں ایم پی راجیو پرتاپ روڈی کی جیت پر بدھ کو بی جے پی کے دفتر میں جشن منایا گیا۔اس موقع پر لیڈروں اور کارکنوں نے مٹھائیاں تقسیم کر اور پٹاخے پھوڑ کر خوشی کا اظہار کیا۔اس موقع پر پارٹی کے جنرل سکریٹری وویک کمار سنگھ نے کہا کہ یہ جیت بے مثال اور تاریخی ہے۔راجیو پرتاپ روڈی نے ثابت کر دیا ہے کہ وہ اب بھی مقبول ترین ایم پی میں سے ایک ہیں۔بی جے پی لیڈر رماکانت سولنکی نے کہا کہ روڈی نے ہمیشہ ملک اور بیرون ملک سارن کی عزت بڑھانے کا کام کیا ہے۔سابق ضلع صدر اشوک کمار سنگھ نے کہا کہ سارن ایم پی روڈی کی کارکردگی کا ہر کوئی قائل ہے۔اسی بنیاد پر وہ دوبارہ کانسٹیٹیوشن کلب کے انتظامی سیکرٹری کے عہدے پر منتخب ہوئے۔ریول گنج 20 نکاتی چیئرمین اور سابق ترجمان دھرمیندر سنگھ چوہان نے کہا کہ روڈی 25 سال سے کانسٹی لٹیوشن کلب کے سکریٹری رہے ہیں۔اس سے ثابت ہوتا ہے کہ وہ ملک کے تمام موجودہ و سابق ایم پی میں مقبول ہیں۔ان کی جیت نے سارن کی عزت و تکریم میں اضافہ کیا۔سابق ایم ایل سی امیدوار ڈاکٹر دھرمیندر سنگھ نے خوشی کا اظہار کرتے ہوئے کہا کہ روڈی میں کلب کو اچھی طرح سے چلانے کی صلاحیت ہے۔خوشی کا اظہار کرنے والوں میں دھرمیندر شاہ،ایم ایل اے ڈاکٹر سی این گپتا،ستیانند سنگھ،انیل سنگھ،پروفیسر کمل کشور سنگھ،مدن سنگھ،راجیش فیشن،شانتنو کمار،سشیل سنگھ،منوج سنگھ،پریہ کانت کشواہا،اپنیش سنگھ،سنجیو سنگھ،نندن جیسوال،شترودھن چودھری،انوپ یادو،سنسکار کمار،کمل کشور سنگھ وغیرہ موجود تھے۔