تاثیر 09 اگست ۲۰۲۵:- ایس -ایم- حسن
پٹنہ، 09 اگست:وزیر اعلیٰ نتیش کمار نے آج رکشا بندھن اور ‘بہار درختوں کے تحفظ کے دن’ کے موقع پر راجدھانی واٹیکا، پٹنہ میں درخت سے رکشا ستر باندھا۔ وزیر اعلیٰ نے اس موقع پر راجدھانی واٹیکا میں ایک پودا بھی لگایا۔
13 اگست 2012 کو، رکشا بندھن کے مبارک موقع پر، وزیر اعلیٰ نے “بہار درختوں کے تحفظ کے دن” کا آغاز کیا تھا۔ اس کا مقصد یہ ہے کہ لوگ ماحولیات سے آگاہ ہوں، پودوں کی حفاظت کریں اور زیادہ سے زیادہ درخت لگائیں۔
موسمیاتی تبدیلیوں سے زمین کو پہنچنے والے نقصان کو کم کرنے کے لیے درخت لگانا اور ان کی حفاظت کرنا بہت ضروری ہے۔ جل جیون ہریالی اور دیگر اسکیموں کے تحت بڑے پیمانے پر شجرکاری کی جارہی ہے۔ ریاست میں ایکو ٹورازم کو بھی فروغ دیا جا رہا ہے۔ ریاستی حکومت کی اسکیموں اور کوششوں کی وجہ سے ریاست کے لوگ ماحولیات، جانوروں کے تحفظ اور درخت لگانے کے تئیں بیدار ہو رہے ہیں۔