تاثیر 05 اگست ۲۰۲۵:- ایس -ایم- حسن
نئی دہلی، 5 اگست: وزیر اعلیٰ ریکھا گپتا نے منگل کو تیمار پور کی سنجے بستی میں صفائی مہم چلا کر’کچرے سے دہلی کی آزادی‘ مہم کو مزید تقویت دی۔وزیر اعلیٰ نے کہا کہ ایم ایل اے سوریہ پرکاش کھتری، میئر راجہ اقبال سنگھ اور بڑی تعداد میں مقامی ساتھیوں کی فعال شرکت نے اسے مزید وسیع بنا دیا۔ انہوں نے کہا کہ پوری دہلی اس مشن میں لگی ہوئی ہے۔ یہ دیکھنا فخر کی بات ہے کہ خود دہلی کے لوگ آگے آرہے ہیں۔ کچھ بس اسٹینڈ کی صفائی کر رہے ہیں تو کچھ اپنے گھر، گلی، کالونی اور بازار سے شروع کر رہے ہیں۔وزیراعلیٰ نے کہا کہ حکومت کے تمام محکمے متحرک ہیں۔ ہمارے عوامی نمائندے خود میدان میں ہیں۔ یہ دہلی کو صاف ستھرا اور باوقار بنانے کا اجتماعی عزم ہے۔ انہوں نے ایک بار پھر تمام دہلی والوں سے دہلی کو کچرے سے پاک کرنے کی اپیل کی۔ قابل ذکر ہے کہ دہلی میں یکم سے 31 اگست تک ‘دہلی کو قدر سے آزادی’ صفائی مہم چلائی جا رہی ہے۔