تاثیر 26 اگست ۲۰۲۵:- ایس -ایم- حسن
پٹنہ، 26 اگست : وزیر اعلیٰ نتیش کمار نے آج پٹنہ ضلع کے تحت پرگتی یاترا کے دوران کئے گئے اعلانات سے متعلق پٹنہ شہری علاقہ (مشرق) کے لئے بدر گھاٹ پٹنہ سیٹی میں منعقدہ پروگرام سے 41.43 کروڑ روپے کی مختلف اسکیموں کا سنگ بنیاد رکھا اور افتتاح کیا۔
پروگرام کے دوران وزیر اعلیٰ نے کہا کہ یہ بڑی خوشی کی بات ہے کہ آج 4 اعلانات سے متعلق 5 اسکیموں کا سنگ بنیاد رکھا جا رہا ہے۔ ان اسکیموں کے نفاذ سے پٹنہ شہر کے مقامی لوگوں اور ہر سال بڑی تعداد میں پٹنہ صاحب جانے والے سکھ عقیدت مندوں کو بڑی سہولت ملے گی۔
ان اسکیموں کے نفاذ سے پٹنہ سیٹی علاقہ (مشرق) کے عام لوگوں کو بہت فائدہ پہنچے گا اور بہتر عوامی سہولیات فراہم ہوں گی۔ وزیر اعلیٰ نے پٹنہ سیٹی کے بدر گھاٹ میں منعقدہ پنڈال سے 158.40 کروڑ روپے کی لاگت سے گائے گھاٹ کنگن گھاٹ-دیدار گنج (لمبائی 7.80 کلومیٹر) سے گنگا کے کنارے پرانے راستے کو چوڑا کرنے/تعمیراتی کام کے لیے پتھر کی تختی کی نقاب کشائی کرتے ہوئے سنگ بنیاد رکھا۔