تاثیر 13 اگست ۲۰۲۵:- ایس -ایم- حسن
اترکاشی، 13 اگست:اتراکھنڈ کے اترکاشی ضلع میں بڑی قدرتی آفت کے بعد اب بھی دھرالی گاؤں پر ایک اور سانحہ کا خطرہ ہے۔ گاؤں سے متصل شری کنٹھ پہاڑ کے بالائی علاقوں میں ہزاروں ٹن ملبہ اور پتھر جمع ہیں۔ بارش کے دوران یہ ملبہ کھیر گنگا ندی کے پانی کے ساتھ دوبارہ نیچے آسکتا ہے۔ یہ انکشاف ایک رپورٹ میں کیا گیا ہے۔
درحقیقت نیشنل ریموٹ سینسنگ سینٹر (این آر ایس سی) اور اسرو نے سیٹلائٹ امیجز کی مدد سے اس نقصان کا اندازہ لگایا ہے۔ اس کے علاوہ پیر کو ریاست کے چیف سکریٹری کی ہدایت پر ایک ٹیم سری کنٹھ پہاڑ کے بالائی علاقوں میں سروے کے لیے گئی۔ اس ٹیم میں ماؤنٹین ریسکیو ٹیم (ایم آر ٹی) میں این ڈی آر ایف، ایس ڈی آر ایف اور نیشنل انسٹی ٹیوٹ آف ماؤنٹینیرنگ (این آئی ایم) کے اہلکار شامل تھے۔ اس ٹیم میں انسپکٹر پنکج، مہیش کھنیرا، من موہن، نیرج آریہ اور سریش وغیرہ شامل تھے۔ اس ٹیم نے منگل کو اپنی رپورٹ حکومت کو سونپ دی ہے۔