تاثیر 25 اگست ۲۰۲۵:- ایس -ایم- حسن
نئی دہلی، 25 اگست: ریٹنگ ایجنسی فچ ریٹنگز نے مستحکم آؤٹ لک کے ساتھ ہندوستان کی خود مختار درجہ بندی کو’بی بی بی‘ پر برقرار رکھا ہے۔ ریٹنگ ایجنسی کی یہ درجہ بندی ایس اینڈ پی کی جانب سے 18 سالوں میں پہلی بار ہندوستان کی درجہ بندی میں بہتری کے چند دن بعد آئی ہے۔
ریٹنگ فنج نے پیر کو ہندوستان کے لیے اپنی خودمختار درجہ بندی کو مستحکم آؤٹ لک کے ساتھ سب سے کم سرمایہ کاری گریڈ’بی بی بی‘ پر برقرار رکھا۔ ریٹنگ ایجنسی نے کہا کہ شرح نمو کو مضبوط بنانے اور مالیاتی اعتبار کو بہتر بنانے سے ساختی پیرامیٹرز میں بہتری آئے گی۔ فچ نے کہا، “ہندوستان کے کریڈٹ کو اس کی مضبوط ترقی اور ٹھوس بیرونی مالیات کی حمایت حاصل ہے۔ریٹنگ ایجنسی نے مالی سال 2025-26 میں مجموعی گھریلو پیداوار (جی ڈی پی) کی شرح نمو 6.5 فیصد رہنے کی پیش گوئی کی ہے، جو مالی سال 2024-25 کے برابر ہے اور 2.5 فیصد کی’بی بی بی‘ اوسط سے کافی زیادہ ہے۔فنچ ریٹنگز نے کہا ہے کہ ہندوستان کا معاشی منظر نامہ ہم مرتبہ ممالک کے مقابلے مضبوط ہے، حالانکہ پچھلے دو سالوں میں اس کی رفتار کم ہوئی ہے۔ ایجنسی نے کہا، “اگر مجوزہ سامان اور خدمات ٹیکس (جی ایس ٹی) اصلاحات کو اپنایا جاتا ہے، تو یہ کھپت کو فروغ دے گا اور کچھ ترقی کے خطرات کو کم کرے گا۔