ترلوک راوت نے اپنے سینکڑوں حامیوں کے ساتھ راجد میں ہوئے شامل

سیتامڑھی (مظفر عالم)

ضلع راشٹریہ جنتا دل کے دفتر میں،  ترلوک راوت نے اپنے سینکڑوں حامیوں کے ساتھ، راشٹریہ جنتا دل کے اصولوں پر یقین ظاہر کیا اور پارٹی کی رکنیت حاصل کی ۔ اس موقع پر ضلع صدر سنیل کشواہا نے کہا کہ یقینی طور پر ترلوک راوت  کو پارٹی میں شامل کرنے سے سماج کے آخری فرد کو تقویت ملے گی جس کا پارٹی پر اعتماد ہے۔ ریاستی نائب صدر محمد شفیق خان نے کہا کہ میں ذاتی طور پر ترلوک راوت  کو دہائیوں سے جانتا ہوں۔ اپنی زندگی میں وہ ہمیشہ غریب، پسماندہ، محروم، دلت سماج کی مدد کرتے رہے ہیں۔ تیجسوی یادو کی قیادت میں ان کا اعتماد قبول کرنا اور پارٹی کا بنیادی رکن بننا پارٹی کو مضبوط کرے گا۔ ضلع جنرل سکریٹری محمد جلال الدین خان نے کہا کہ ترلوک راوت  کی پارٹی میں شمولیت سے ہر اسمبلی میں ان کے حامیوں میں خوشی اور مسرت کا ماحول ہے، آئندہ اسمبلی انتخابات میں پارٹی کو فائدہ ہوگا۔ اس موقع پر سی پی آئی کے ضلع سکریٹری جئے پرکاش رائے، بتھناہا آر جے ڈی بلاک صدر شیام بابو رائے،  پرمود رام وغیرہ موجود تھے۔