تاثیر 09 اگست ۲۰۲۵:- ایس -ایم- حسن
بھوپال، 9 اگست :راہل گاندھی کے الیکشن کمیشن کی غیر جانبداری پر سوال اٹھانے کے بعد، سابق وزیر اعلیٰ کمل ناتھ نے ایم پی میں 2018 کے اسمبلی انتخابات کے دوران ووٹر لسٹ میں پائے جانے والے تضاد کو لے کر الیکشن کمیشن کے کام کرنے کے انداز پر سوال اٹھایا ہے۔ اس کے بارے میں کمل ناتھ نے ہفتہ کو ایک بیان جاری کیا ہے جس میں کہا گیا ہے کہ ووٹر لسٹ میں تضاد کی شکایت کے بعد الیکشن کمیشن نے ان تضادات کو قبول کیا تھا اور فہرست سے نام ہٹانے یا اسے درست کرنے کے لیے کارروائی کرنے پر رضامندی ظاہر کی تھی۔
کمل ناتھ نے سوشل میڈیا پر پوسٹ کیا کہ الیکشن کمیشن ا?ف انڈیا نے کرناٹک کے مہادیو پورہ اسمبلی حلقہ میں ایک لاکھ سے زیادہ فرضی ووٹروں کے راہل گاندھی کے دعوے کے جواب میں کہا کہ 2018 میں کمل ناتھ نے الیکشن کمیشن کے خلاف سپریم کورٹ میں درخواست بھی دائر کی تھی، لیکن پھر سپریم کورٹ نے اس درخواست کو مسترد کر دیا۔ الیکشن کمیشن نے فیکٹ چیک کے نام پر ٹویٹ کرکے یہ دعویٰ کیا اور کئی میڈیا اداروں نے کمیشن کے حوالے سے ایک طویل بیان چلایا۔