تاثیر 02 اگست ۲۰۲۵:- ایس -ایم- حسن
کولگام، 2 اگست: فوج نے ہفتہ کو بتایا کہ جنوبی کشمیر کے کولگام ضلع میں جاری تصادم میں فی الحال ایک دہشت گرد مارا گیا ہے۔ قابل ذکر ہے کہ جمعہ کی شام اکھل کے جنگلات میں سیکورٹی فورسز اور دہشت گردوں کے درمیان تصادم ہوا۔ رات بھر وقفے وقفے سے فائرنگ کا شدید تبادلہ جاری رہا۔ چوکس فوجیوں نے رابطہ برقرار رکھتے ہوئے رات بھر فائرنگ کا جواب دیا اور گھیرا تنگ کر دیا۔ ایک دہشت گرد کو ہلاک کر دیا گیا ہے اور آپریشن جاری ہے۔