تاثیر 20 اگست ۲۰۲۵:- ایس -ایم- حسن
چنئی، 20 اگست: قومی تحقیقاتی ایجنسی (این آئی اے) نے بدھ کو پٹالی مکل کچی (پی ایم کے) کے کارکن اور ہندو مورچہ کے رہنما وی راملنگم کے قتل کی تحقیقات کے سلسلے میں تمل ناڈو میں 10 مقامات پر چھاپے مارے۔ وی راملنگم نے کالعدم تنظیم پاپولر فرنٹ آف انڈیا (پی پی آئی) کی تبدیلی مذہب کی سرگرمیوں کی مخالفت کی تھی، جس کی وجہ سے سال 2019 میں انہیں تھنجاور میں قتل کر دیا گیا تھا۔
سرکاری ذرائع کے مطابق، راملنگم قتل کیس میں قومی تحقیقاتی ایجنسی کے اہلکاروں نے بدھ کی صبح 6:00 بجے سے ڈنڈیگل ضلع کے اوٹانچترم شمس الدین کالونی میں محمد یاسین کے گھر پر چھان بین کی۔ این آئی اے نے وٹل کنڈو کے گاندھی نگر ایکسٹینشن علاقے میں محمد علی جناح کے سسر عمر خطاب کے گھر پر بھی تفتیش کی ہے۔ اسی طرح کل 10 مقامات پر تلاشی لی جارہی ہے جن میں ڈنڈیگل، ٹینکاسی، کوڈائی کنال، وٹلاکنڈو اور بیگم پور شامل ہیں۔ پونملی جیل میں ملزمین کے بینک لین دین کی بھی چھان بین کی گئی ہے۔تلاشی مہم کے دوران، نیشنل انویسٹی گیشن ایجنسی کے ڈپٹی سپرنٹنڈنٹ آف پولیس (ڈی ایس پی) شمس الدین اور بینک آف انڈیا، ڈنڈیگل کے اہلکار موجود تھے۔ این آئی اے اس معاملے میں پہلے ہی کئی ملزمین کو گرفتار کر چکی ہے اور کچھ مفرور ملزمین کی بھی تلاش کر رہی ہے۔