راہل گاندھی کی ایک جھلک پانے کے لیے بیتاب دکھے لوگ

دربھنگہ(فضا امام):بہار اسمبلی انتخابات سے پہلے کانگریس لیڈر راہل گاندھی کی ووٹر ادھیکار یاترا کا 11 واں دن مکمل طور پر سیاسی رنگ میں ڈوبا رہا۔ صبح 8 بجے دربھنگہ کے جیوچھ گھاٹ سے شروع ہوئی۔ وشرام کیمپ کے گیٹ پر صبح سے ہی ہزاروں حامی اور کارکن جمع تھے۔ راہل اور پرینکا گاندھی کی ایک جھلک دیکھنے کے لیے بھیڑ بے قابو نظر آئی۔ اس دوران ‘ووٹ چور گڈی چھوڑو’ کے نعرے بھی لگائے گئے۔ سفر کے دوران راہل گاندھی نے کئی مقامات پر جیپ روک کر حامیوں سے ہاتھ ملایا اور کہا کہ مرکز کی موجودہ حکومت چوری شدہ ووٹوں سے بنی ہے۔ یہ آئین اور غریبوں اور دلتوں کے مفادات کے خلاف ہے۔راہل گاندھی نے دربھنگہ میں تقریباً 30 کلومیٹر کا فاصلہ طے کیا۔جیوچھ گھاٹ سے گنگوارہ، کتھل باری، بیلا موڑ شیودھارا، این ایچ 57 کے بعد ان کا قافلہ مظفر پور روانہ ہوا۔راہل گاندھی کی بہن اور کانگریس جنرل سکریٹری پرینکا گاندھی، تمل ناڈو کے وزیر اعلی ایم کے اسٹالن،تیجسوی یاد، پپو یادہ، مکیش سہنی وغیرہاس موقع پر موجود رہے۔ماتدتا ادھیکار یاترا کے دوران راہل گاندھی کو کھلی جیپ میں کھڑے دیکھا گیا۔ ان کی گاڑی کے آگے انڈیا الائنس کے کارکنوں کا ایک ہجوم دیکھا گیا۔ کارکنوں کے ہاتھوں میں پارٹی جھنڈے نظر آئے۔ راہل گاندھی کو دیکھنے کے لیے سڑک پر کافی بھیڑ دیکھی گئی۔ سڑک کے دونوں طرف لوگوں کی قطار لگی ہوئی تھی۔ کچھ لوگوں کو راہل گاندھی کے قریب آتے اور ان سے ہاتھ ملاتے بھی دیکھا گیا۔ دربھنگہ ضلع میں بھی راہل گاندھی کا الگ انداز دیکھنے کو ملا۔ راہل گاندھی نے کانگریس ایم پی پرینکا گاندھی اور بہار اسمبلی میں اپوزیشن لیڈر اور آر جے ڈی لیڈر تیجسوی یادو کے ساتھ ‘ووٹر ادھیکار یاترا’ کے دوران بائیک ریلی نکالی۔ دونوں لیڈروں کو یاترا میں بائیک ریلی کرتے دیکھا گیا۔ مہاگٹھ بندھن کارکنوں کی بھیڑ بھی ان کے ساتھ دیکھی گئی۔ سڑک پر مختلف مقامات پر لوگوں اور کارکنوں کا ہجوم جمع ہوگیا جس نے ماحول کو انتخابی میلے میں بدل دیا۔ کانگریس نے اس ویڈیو کو سوشل میڈیا پر شیئر کرتے ہوئے لکھا ہے کہ ہماری ہمت دیکھ کر طوفانوں نے اپنا راستہ بدل لیا۔