تاثیر 19 اگست ۲۰۲۵:- ایس -ایم- حسن
نئی دہلی، 19 اگست:جنوبی افریقہ کے فاسٹ باؤلر کگیسو رباڈا منگل کو کیرنز (آسٹریلیا) میں پہلے ون ڈے کے آغاز سے صرف ایک گھنٹہ قبل ٹخنے کی انجری کے باعث آسٹریلیا کے خلاف ون ڈے سیریز سے باہر ہو گئے ہیں۔کرکٹ جنوبی افریقہ نے ایک بیان میں کہا کہ رباڈا کا پیر کو دائیں ٹخنے میں سوجن کے بعد اسکین کیا گیا جس کے بعد 30 سالہ کھلاڑی تین میچوں کی سیریز سے باہر ہو گئے۔ بیان میں کہا گیا ہے، ’’وہ آسٹریلیا میں ہی رہیں گے اور پروٹیز طبی عملے کی نگرانی میں بحالی سے گزریں گے۔‘‘
دونوں ٹیموں کے درمیان آخری ٹی ٹوئنٹی سیریز میں سب سے زیادہ وکٹیں لینے والی بائیں ہاتھ کی فاسٹ بولر کوینا مفاکا کو ٹیم میں شامل کیا گیا ہے۔ تاہم انہیں سیریز کے پہلے میچ کے لیے منتخب نہیں کیا گیا تھا۔