تاثیر 10 اگست ۲۰۲۵:- ایس -ایم- حسن
مرادآباد، 10 اگست: ریل مسافروں کی سہولت اور تہوار کے موسم میں بڑھتی ہوئی مانگ کو ذہن میں رکھتے ہوئے، ہندوستانی ریلوے نے راؤنڈ ٹرپ ٹکٹ بکنگ پر کرایہ میں خصوصی رعایت دینے کا فیصلہ کیا ہے۔ یہ سہولت آئندہ تہوار سیزن 2025 کے دوران یکم اکتوبر سے 15 نومبر تک دستیاب ہوگی۔ ریٹرن ٹکٹ پر 20 فیصد رعایت دستیاب ہوگی۔
شمالی ریلوے کے مرادآباد ریلوے ڈویژن میں سینئر ڈویژنل کمرشل منیجر آدتیہ گپتا نے اتوار کو کہا کہ ریلوے کی وزارت کی طرف سے جاری کردہ پالیسی کے مطابق اگر مسافر ایک ہی وقت میں راؤنڈ ٹرپ ٹکٹ بک کراتے ہیں تو انہیں عام کرایہ پر 20 فیصد کی رعایت دی جائے گی۔ یہ سہولت منتخب ٹرینوں میں اور مقررہ مدت کے اندر دستیاب ہوگی۔ یہ اسکیم تجرباتی بنیادوں پر شروع کی گئی ہے۔
سینئر ڈی سی ایم آدتیہ گپتا نے مزید بتایا کہ اس کی بکنگ 14 اگست سے شروع ہوگی، جو کہ ایڈوانس ریزرویشن کی مدت 13 اکتوبر ہے۔ ابتدائی سفر کا ٹکٹ پہلے بک کیا جائے گا جس کی ٹرین کے سفر کی شروعات کی تاریخ 13 اکتوبر سے 26 اکتوبر کے درمیان ہوگی۔ اس کے بعد واپسی کے سفر کا ٹکٹ کنیکٹنگ ٹریول کی سہولت کا استعمال کرتے ہوئے بک کیا جائے گا۔ جن کی ٹرین کا سفر شروع ہونے کی تاریخ 17 نومبر سے یکم دسمبر 2025 کے درمیان ہوگی۔ واپسی کے سفر کے ٹکٹوں کی بکنگ کے لیے ایڈوانس ریزرویشن کی مدت لاگو نہیں ہوگی۔ یہ تمام میل/ایکسپریس خصوصی ٹرینوں (ریزرویشن کی بنیاد پر) پر لاگو ہوگا۔ اس کا اطلاق سیکنڈ کلاس (سلیپر)، اے سی 3 ٹائر، اے سی چیئر کار، اے سی 2-ٹائر، اور فرسٹ کلاس اے سی پرلاگو ہوگا۔