تاثیر 30 اگست ۲۰۲۵:- ایس -ایم- حسن
نئی دہلی، 30 اگست: انڈین پریمیئر لیگ (آئی پی ایل) 2025 کی چیمپئنز رائل چیلنجرز بنگلور (آر سی بی) نے ہفتے کے روز اعلان کیا ہے کہ وہ 4 جون کو بھگدڑ میں ہلاک ہونے والے 11 افراد کے اہل خانہ کو ہر ایک کو 25 لاکھ روپے کی امدادی رقم دے گا۔
فرنچائز نے سوشل میڈیا پر لکھا، “4 جون 2025 کو، ہمارے دل ٹوٹ گئے۔ ہم نے اپنے آر سی بی خاندان کے 11 افراد کو کھو دیا، وہ ہماری کمیونٹی، ہمارے شہر اور ہماری ٹیم کا حصہ تھے، ان کی کمی ہمیشہ محسوس کی جائے گی، کوئی مدد اس جگہ کو پورا نہیں کر سکتی، لیکن ابتدائی قدم کے طور پر، آر سی بی نے ہر خاندان کو 25 لاکھ روپے دیے ہیں۔ یہ صرف مالی مدد، ہمدردی اور نگہداشت کا ایک وعدہ نہیں، بلکہ ٹھوس امداد کا وعدہ ہے۔”آر سی بی نے آر سی بی کیئرس پہل شروع کرنے کا بھی اعلان کیا، جس کے تحت متاثرین کی یاد کو عزت دیتے ہوئے ایک طویل عرصے تک بامعنی کام کیا جائے گا۔
غور طلب ہے کہ آر سی بی نے پنجاب کنگز کو شکست دے کر 18 سال بعد آئی پی ایل کا خطاب جیتا تھا۔ اگلے دن، لاکھوں شائقین نے ایم چناسوامی اسٹیڈیم اور اوپن بس پریڈ میں شرکت کی۔ تاہم، تقریباً دو لاکھ لوگوں کا ایک بہت بڑا ہجوم اسٹیڈیم کی 32,000 کی گنجائش سے باہر ہو گیا، جس سے گیٹ پر افراتفری اور بھگدڑ مچ گئی۔ اس المناک حادثے میں 11 افراد جاں بحق جب کہ 50 سے زائد زخمی ہوئے۔ تمام مرنے والوں کی عمریں 40 سال سے کم تھیں۔